用環保產品,真的環保了?

DSC_5045

曾用三個食物盒買外賣,遭朋友質疑「用咁多洗潔精清洗仲唔環保」,而生產環保產品,又要耗用資源,我一直為「環保產品是否真環保?」的問題糾結。

所謂減廢,不用倚靠「環保產品」才可做到。

😶「很多方法可減省膠即棄餐具,唔係話一定環保產品,先做到」。

*********

有朋友習慣自備餐盒餐具,他見到市集各式各樣的環保產品,如摺疊餐盒、摺疊杯等,不禁質疑:「特意生產和購買額外的產品,又很環保嗎?」


這問題我放在心中許久,Trial and Error Lab HK 3月11日 舉辦的「真實問題講座:環保產品,越用越環保?」講座,或多或少解答了我心中疑惑:

「用環保產品,真係環保咗?」

環保產品取代到一定數量即棄用品,算是「環保咗」吧?

售賣不鏽鋼飲管等環保產品的「搞乜東東」成員陳Wing透露,有客人習慣買「超市一包一百枝膠飲管」在家使用,「每次飲嘢,都喺櫃抽一枝飲管出嚟飲」。

該客人後來以不鏽鋼飲管取代即棄飲管,至少取替了幾百枝、甚至幾千枝的即棄飲管,「不鏽鋼、或者竹飲管和玻璃飲管可替代到咁多即棄時,先真正做到減廢或者減塑」陳Wing說。

環保產品成了潮流消費品,一閃即逝?

綠惜地球 The Green Earth環境倡議總監朱漢強認為,若環保產品成了「潮流」,只會一瞬即逝,「潮流過咗,你咪擺喺屋企」,這樣「環保產品只不過係另類的消費品」。

陳Wing相信只要將「潮流」轉化成日常習慣,每次消費也堅持「走塑」,才有意義,否則產品「Hit完」就遭棄如敝履,意義頓失。

「走杯 GO CUP」計劃設計了可重用「外賣杯」,杯蓋、攪攪棒、隔熱套等亦可再用,杯內還附有容量刻度。他們希望能令人喜愛使用此「外賣杯」,於外賣時大派用場,「唔係又係另外一件買嘢送的贈品」,但成員阿Mi坦言,不知用家是否真的有用「外賣杯」。

使用環保產品,反而更浪費資源?「兩害相權取其輕」

主持阿絹分享道,她曾於餐廳自備食物盒盛裝意粉,誰料餐廳洗手間無水可用,不能清洗食物盒,只好用紙巾抹乾淨再放蛋糕,結果製造了一堆「廁紙山」。

這豈非更浪費?

朱漢強認為「唔洗推到咁辛苦」,只須「兩害相權取其輕」,思考過、權衡什麼做法較環保,再作決定便可。就如分吃生日蛋糕,用碟還是撕開紙皮盛裝較好?當下衡量過作決定,便可。

DSC_5054

「自己的方式」減廢  不用環保產品也可「絕膠」

主持曾用椰子油玻璃樽外買飲品,我的朋友曾用水樽買果汁和奶茶。

Mi的父親以最直接的方法源頭減廢:「洗咩搞咁多嘢,咪坐喺度飲,堂食囉!」Mi說:「好多種方法減省膠或即棄餐具使用,唔係話一定環保產品,先做到呢樣嘢」

「係咪可用自己杯,或自己嘢去代替呢?都唔係唔得。」Mi說。

PS 我頗喜歡今次講座,因為不是一味為環保產品讚好,而是有反思。

講座錄影:https://goo.gl/7Zw7PD

廣告

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s